Lorem ipsum
Class aptent taciti sociosqu ad litora
Главная » Статьи » МОЛИТВЫ ОТ СГЛАЗА.МОЛИТВЫ ОТ ПОРЧИ,ОТ КОЛДОВСТВА

Молитва преподобному Иринарху
Читается данная Молитва Иринарху так: О великий угодниче Христов, добропроизвольный страдальче, новопросиявый чудесы, отче наш Иринарше. Российстей земли удобрение, граду Ростову похвало, обители сей велие украшение и утверждение!

Кто не удивится твоему самопроизвольному и долголетнему страдальческому терпению: тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюдже хижину вселился еси, яко адамант твердый, на невидимая бесовская полчища и видимая враги твоя терпением себе вооружив.

Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящым во благо даже доднесь чудодействуеши.

Мы же, недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся, скорый наш помощниче и теплый к Богу молитвенниче. Услыши убо и нас, грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы, недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь. Молитва Иринарху
СМ ТАКЖЕ РАЗДЕЛ ДЛЯ ДУШИ, СЛАВЯНСКИЙ МИР, СЛАВЯНСКИЕ ЗАГОВОРЫ МОЛИТВЫ, ЭЗОТЕРИКА, ЯЗЫЧЕСТВО, РОДНОВЕРИЕ, НАРОДНЫЕ РЕЦЕПТЫ
Назад    Наверх
Категория: МОЛИТВЫ ОТ СГЛАЗА.МОЛИТВЫ ОТ ПОРЧИ,ОТ КОЛДОВСТВА | : (13.04.2011)
Просмотров: 777 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
разместить рекламу бесплатно